Gjatë raportimit që ministrja e Arsimit, Evis Kushi, bëri në Komisionin e Ekonomisë për buxhetin, ka thënë se nuk do të tolerohet më kryerja e mësimeve online në universitete.
Ajo tha se vaksinimi i studentëve është detyrim nëse duan të jenë pjesë e auditorëve dhe se do të ngrihet një grup pune në mënyrë që të mos ndodhë më, që universitetet të zhvillojnë mësim online.
Kushi u shpreh se mësimi online gjatë periudhës së shpërthimit të pandemisë ishte një sakrificë e madhe për shumë studentë të mjekësisë, të arteve apo të sporteve.
“Jam dakord që vaksinimi në universitete është i rëndësishëm. Ne e vendosëm si kusht vaksinimin e detyrueshëm ose test PCR. Javën e parë kemi qenë në bashkëpunim me universitetet për ta zbatuar këtë kusht. Mua më raporton rektori i Universitetit të Mjekësisë që mbi 90% e studentëve janë të vaksinuar. Ka akoma të pavaksinuiar, jemi të vetëdijshëm për këtë, por ne në asnjë mënyrë nuk mund të tolerojmë mësimin e online. Menjëherë do të bëjmë verifikimet, sepse ka patur universitete që e kanë kërkuar dhe ne ja kemi refuzuar në mënyrë zyrtare. Zyrtarisht ne nuk kemi informacion, por ju falënderoj. Mësimi online vitin e kaluar ka qenë një sakrificë e madhe për universitetet tona, sidomos universiteti i Mjekësisë, Universiteti i Arteve apo Universiteti i Sporteve imagjinoni çfarë mësimi mund të bëjnë ata online. Për ne ishte emergjente hapja e auditorëve. Ju falënderoj për shqetësimin dhe do të gremë grupe pune që kjo të mos ndodhë në universitetet tona”,-tha ministrja Kushi./Opinion.al
