Studiuesit në Japoni thonë se kanë bërë një hap drejt rritjes së jetëgjatësisë njerëzore. Ata shprehen se kanë testuar me sukses një vaksinë kundër qelizave që kontribuojnë në procesin e plakjes. Jetëgjatësia është një pyetje e cila prej shekujsh mundon njerëzimin.
Sipas këtyre studiuesve qelizat bëhen të vjetra kur ndalojnë së dyfishuari vetveten, shpesh si përgjigje ndaj dëmtimit natyror të ADN-së së tyre. Mendohet se plakja qelizore kontribuon në vetë procesin e plakjes, si dhe në sëmundjet e lidhura me plakjen si Alzheimer dhe disa lloje kanceri.
Dr. Salvador Macip, kreu i Laboratorit të Mekanizmave të Kancerit dhe Plakjes në Universitetin e Leicester ka nënvizuar se qelizat e plakura sekretojnë një sërë faktorësh që prishin funksionin e indeve. Sipas tij procesi biologjik i plakjes është shumë kompleks, prandaj nuk ka gjasa që një strategji e vetme ta ndalojë plotësisht ose ta kthejë atë. Megjithatë, thekson eksperti, ka ndoshta shumë mënyra për ta ngadalësuar dhe pastrimi i qelizave të plakura duket të jetë një nga më të lehtat dhe potencialisht më efektive.
Pavarësisht këtyre hapave optimistë ia vlen të kemi parasysh se studiuesit ende nuk e dinë se sa mund të zgjatet jetëgjatësia e një krijese të gjallë./Klan News
