Prej datës 28 Mars, që ka nisur imunizimi masiv i popullsisë me vaksinën kineze të Sinovac dhe janë kryer 119,612 injektime për vetëm 7 ditë. Ndërkohë që duke u përdor në këtë javë të dytë të vaksinimit janë në dispozicion edhe 72 mijë vaksina kineze. Por me ritmin e vaksinimit të javës së parë kjo sasi është e mjaftueshme për vetëm 4 ditë.
Pasi sasia totale e vaksinave kineze të ardhura deri më tani në vend janë 192 mijë doza. Nga qyteti i Fierit ku ndoqi nga afër ditën e tetë të vaksinimit ministrja e shëndetësisë tha se pritet të vijnë edhe disa doza të tjera të vaksinës Pfizer dhe Sinovac,duke bërë që të ulët mosha e personave që do të vaksinohen.
Sipas të dhënave të INSTAT mbi 70 vjeç janë 278 mijë persona, 65-69 vjeç janë rreth 142 mijë qytetarë. Por me synimin e qeverisë që brenda Majit të mbyll gjysmë milionë persona të imunizuar duhet që të vaksinohen të gjithë personat mbi 65 vjeç si dhe disa kategori për të cilët tashmë ka nisur vaksinimi siç janë gazetarët dhe forcat e policisë. Sipas ministrisë së shëndetësisë në total në vendin tonë kanë ardhur 282,520 mijë doza vaksina anti-Covid./ Klan News
