Kompanitë farmaceutike Pfizer dhe BioNTech kanë kërkuar autorizimin e përdorimit emergjent për vaksinën e tyre ndaj koronavirusit, ndërsa kanë dorëzuar zyrtarisht të premten kërkesën e tyre në Administratën Ushqimore dhe Barnave të SHBA, (FDA).
Kjo është vaksina e parë e koronavirusit që kërkon hapësirë për t’u aplikuar në Shtetet e Bashkuara.
“Është krenari, gëzim dhe madje pak lehtësim që mund të them se kërkesa jonë për autorizimin e përdorimit emergjent për vaksinën tonë Covid-19 tani është në duart e FDA. Kjo është një ditë historike, një ditë historike për shkencën dhe për të gjithë ne. U deshën vetëm 248 ditë, nga dita kur ne njoftuam planet tona për të bashkëpunuar me BioNTech deri në ditën tonë të dorëzimit të FDA,” tha drejtuesi i Pfizer Albert Bourla në një video të shpërndarë të premten”.
Nëse FDA autorizon vaksinat, Komiteti Këshillimor i CDC-së për Praktikat e Imunizimit, një panel i pavarur ekspertësh, do të mblidhet brenda 24 deri në 48 orë, sipas një zëdhënësi të CDC.
Ndërkohë, një tjetër vaksinë që ka shënuar 95% efikasitet është ajo e kompanisë “Moderna” dhe që protet gjithashtu së shpejti të kërkojë aprovim nga autoritet në SHBA dhe Europë.
