Ministrat e Shëndetësisë së Italisë, Gjermanisë, Francës dhe Holandës kanë nënshkruar një kontratë me kompaninë ‘Astrazeneca’ për furnizimin e deri në 400 milionë doza vaksine “të destinuara për tërë popullatën evropiane”. Është fjala për vaksinën e Universitetit të Oksfordit, puna për të cilën përfshin edhe kompani të rëndësishme italiane në fazën e zhvillimit dhe prodhimit.
“Angazhimi parashikon që rruga e eksperimentimit, tashmë në stad të përparuar, do të përfundojë deri në vjeshtë me shpërndarjen e dozave të para”, sqaroi Ministri Italian Speranza. “Për mua gjithmonë do të konsiderohet një e mirë publike globale, e drejtë e secilit, jo privilegj vetëm për disa ”përfundoi ministri Italian, shkruan ANSA.
Kompania globale biofarmaceutike “AstraZeneca” ka dyfishuar kapacitetin e saj për prodhimin e vaksinës potenciale të Universitetit të Oksfordit kundër koronavirusit në 2 miliardë doza. Laboratori i Universitetit të Oksfordit kishte njoftuar më parë se deri në muajin shtator do të ketë gati 400 milionë doza të vaksinës kundër koronavirusit.
