Një raport i ri nga Komiteti I Senatit për Sigurinë Kombëtare në Shtetet e Bashkuara të Amerikës akuzon agjencitë federale të shëndetit se nuk kanë paralajmëruar në mënyrë të duhur qytetarët për efektet anësore të mundshme të Vaksinave kundër Covid -19, veçanërisht të rinjtë për rrezikun e miokardit.
Raporti tregon se Administrata presidenciale e Joe Biden ka minimizuar transparencën mbi këto rreziqe reale, me synimin për të bindur sa më shumë qytetarë që të merrnin vaksinën.
Dr. Jordan Vaughn, President i Fondacionit të Kërkimeve Mikrovaskulare, dëshmoi në Capitol Hill të mërkurën, gjatë seancës së parë dëgjimore të Nënkomitetit të Përhershëm për Hetimet në lidhje me efektet anësore negative të vaksinës kundër COVID-19, duke kritikuar vendimin e zyrtarëve të shëndetit publik në vitin 2021 për të mos lëshuar një mesazh të Rrjetit të Alarmeve Shëndetësore kur rreziqet në rritje nga vaksina kundër COVID-19 u bënë të dukshme.
Mjeku Vaughn tha se nëse Administrata Amerikane e Ushqimit dhe Barnave si dhe Qendra për Kontrollin dhe Parandalimin e Sëmundjeve do të kishin bërë punën e tyre dhe do të kishin paralajmëruar mjekët, atëherë do të kishte pasur më pak fatalitete dhe jetë të humbura si pasojë e vaksinave të Covid 19.
Menjëherë pas këtij raporti të Komitetit të Senatit për Sigurinë Kombëtare, Administrata Amerikane e Ushqimit dhe Barnave lëshoi një njoftim ku thuhej se ka urdhëruar kompanitë Pfizer dhe Moderna që të zgjerojnë etiketat e tyre paralajmëruese në vaksinat kundër Covid 19.
Këto paralajmërime do të theksojnë se vaksinat mund të japin një rreizk të miokardit të zemrës tek djemtë adoleshentë dhe burrat e rinjë.
Sipas të dhënave në Shtetet e Bashkura të Amerikës për 250 mijë meshkuj të vaksinuar kundër Covid19 nga mosha 16 deri në 25 vjec rastet e problemeve me zemrën kanë qenë 38.
