“Viti i ri i punës nisi sot në mëngjes, me mirëseardhjen e Eriglisës në ekipin e Ministres së Shëndetësisë e Mbrojtjes Sociale”, shkruan Kryeministri në rrjetet sociale, ku shihet se e ka shoqëruar vajzën e re bashkë me Ardit Gjebrenë.
Për ata që nuk e kanë parë, Edi Rama u shfaq në “E Diela Shqiptare” në rubrikën “Ka një mesazh për ty” në ditën e ndërrimit të viteve ku dëgjoi mesazhe nga njerez në nevojë.
Eriglisa, vajza e komunitetit egjiptian nga Laçi i kërkoi Ramës dhurata për fëmijët rom e egjiptian.
“Unë punoj prej dy vitesh në një organizatë që ka në fokus komunitetin egjiptian. Prej një viti jam edukatore me fëmijët romë. Unë kam një muaj që më vjen keq të shkoj në punë, pasi ndihem keq se fëmijët presin të marrin ndonjë dhuratë”, u shpreh ajo. Teksa ajo fliste në studio, Edi Rama pranoi të bëhej babagjysh dhe të surprizonte fëmijët e këtij komuniteti.
