Një çift britanikësh, të cilit ishin të lidhur që prej tetë vitesh, kishin pak kohë që ishin shpërngulur në Australi,. Djali, Jason Francis, 29 vjeç, luante me një ekip futbolli.
E dashura e tij, Alice Robinson, po e priste në shtëpi, por ai ishte përplasur nga një makinë e picave “Domino” pak metra larg banesës.
Vetëm kur dëgjoi sirenat e ambulancës ajo doli jashtë për të parë ç’po ndodhte, dhe mësoi që Jason nuk i kishte mbijetuar plagëve.
Pak orë më pas, vajza u gjet e vdekur në një zonë pranë shtëpisë. Njoftimi që dha mamaja e vajzës në rrjetet shoqërore për të afërmit ishte:
“Jam e shkatërruar. Vajza ime ishte aq e dëshpëruar sa nuk mundi të jetonte pa Xhejsonin dhe u vetëvra. Unë dhe im shoq tani vuajmë humbjen e dy njerëzve të mrekullueshëm që na ndriçonin jetën”.
Me qindra australianë janë organizuar dhe kanë hapur një llogari bankare ku ofrojnë para për të ndihmuar familjet e dëshpëruara të marrin trupat e tyre në Britani.
