Një shtetas në Sauk të Tiranës ka ushtruar dhunë ndaj krushkut dhe dhëndrit të tij pas ankesës së vajzës, e cila nuk shkonte mirë me bashkëjetuesin me të cilin ka edhe një fëmijë 3-vjeçar.Ngjarja ka ndodhur më 8 dhjetor. 55-vjeçari N.A u arrestua nga efektivët e komisariatit numër 4, pasi kishte goditur me grushte dhe shkelma dhëndrin me inicialet V. S., 41 vjeç dhe krushkun 65-vjeçar me inicialet T. S. Burime nga policia thanë për Shqiptarja.com se kjo ngjarje mund të degradonte në një veprim kriminal nga ana e 55-vjeçarit.
Shkak për këtë ngjarje është bërë bashkëjetesa e vajzës së autorit të dyshuar me 41-vjeçarin. Çifti mësohet se kishin edhe një fëmijë 3-vjeçar, ndërsa së bashku nuk kishin një marrëdhënie të rregullt dhe të qëndrueshme.
Këtë problem, vajza e kishte transmetuar në familjen e saj, fakt i cili ka irrituar babanë 55-vjeçar, duke shkuar tek shtëpia e dhëndrit dhe ushtruar dhunë ndaj tij dhe krushkut. Nga goditjet, burimet thonë se 41 dhe 65-vjeçari kanë marrë dëmtime të konsiderueshme në pjesën e trupit dhe kokës./Shekulli/
