Vijon të jetë kaotike situata në gjimnazin “Janaq Kilica” në Fier ku ditën e djeshme ku ditën e djeshme u helmuan mbi 40 nxënës pasi në ambjentet e shkollë u raportua se u hodhën sprajt me lëndë gazi.
Ditën e sotme autoritetet e shkollës kanë raportuar se mësimi ka vijuar normalisht por disa nxënës kanë ndjerë sërish probleme shëndetësore.
Më pas një ambulancë ka shkuar drejt shkollës dhe ka marrë një nga nxënëset. Kjo ka përhapur panik tek prindërit e nxënësve të cilët kanë tentuar të hyjnë në ambjentet e gjimnazit por janë ndaluar.
Megjithatë, drejtoresha e shkollës thotë se nxënësja që u transportua me ambulancë nuk kishte probleme me rrugët e frymëmarrjes por të një natyre tjetër. Ndërsa në disa pamje në ambjentet e jashtme të shkollës të publikuara nga Top Channel, shihet drejtoresha e Zyrës Arsimore, Yllka Beci, teksa thotë se vajza është shtatzanë.
“Të lutem a mund të të të them diçka pa kamera ty, si nënë dhe si grua? A mund të të them diçka? Me kamera do ta them, vajza është shtatzënë pati probleme dhe ne nisëm në spital. Çfarë ka mo? Po është shtatzënë”, u shpreh drejtoresha. /Opinion.al
