Vëmendjen tepër të madhe në eventin e “Geraldina Sposa” e mori edhe vajza e deputetes demokrate Majlinda Bregu.
Shpesh herë Kejda Ajazi ka tërhequr vëmendjen e medias për paraqitjen e saj, por këtë herë ka shkëlqyer me fustanin e bardhë të nusërisë.
Ajo sfiloi si një modele e vërtetë, ndërkohë që dhjetëra sy kureshtarë e ndiqnin për të parë në çdo detaj vajzën e deputetes sharmante.
Me një fustan madhështor në nuancat e arit, Kejda parakaloi si një modele e vërtetë, edhe pse deri tani pasionin e saj për modën e kishte treguar vetëm në eventet e modës së lartë, ku shihej tek shoqëronte nënën e saj si e ftuar.
Edhe pse ajo është vetëm 18 vjeçe dhe dita kur do të bëhet nuse vërtet mund të jetë e largët, Kejda do të ruajë si një kujtim emocionues ditën kur u vesh me fustan nusërie për hobi.
E pyetur nga gazeta “Panorama” se kush ia bëri propozimin për të qenë pjesë e këtij eventi nusesh dhe pse nuk e refuzoi, Kejda u përgjigj:
“Për sa i përket sfilatës, isha në sfilatën e miqve të familjes sime. Dua të them se nuk e kam profesion modelingun, pasi kam interesa të tjera në jetë”, është shprehur ajo.
