Gjithçka filloi një vit më parë, me një foto të shkrepur në martesën e një çifti miqsh dhe e postuar në “Facebook” publikisht. Ajo kishte marrë një buqetë me lule me rastin e martesës dhe ai kishte pëlqyer një foto mjaft zbavitëse, të shoqëruar me komentin: “Kam një problem”.
Christopher Glenn Reed e Ashley Stevens nga Xhorxhia, SHBA janë dy të rinj të fejuar të bërë papritur të famshëm në nivel kombëtar, sepse reagimi i ndjekësve në “Facebook” për atë foto, nuk ishte pikërisht më i miri. Pak njerëz, për më shumë miq dhe të njohur, i kishin përgëzuar, ndërsa pjesa më e madhe e personave, kishte komentuar në mënyrë të turpshme. Motivi ishte shumë i thjeshtë: Ashley është një vajzë shumë e bukur, ndërsa Chris është pak mbipeshë.
“Si qëndron me të? Përveç se është një obez dhe i shëmtuar”, pyesnin disa. Të tjerë, me siguri për shkak të zilisë, kishin shkruar edhe më keq. “Duket se ka sindromën Down”. Duheshin pak ditë për të për të eliminuar të gjitha komentet ofensive dhe bllokuar kontaktet, por në këtë pikë, Ashley kishte vendosur një përgjigje finale për të gjithë ata që e quanin vazhdimisht “të shëmtuar”.
“Duke parë që flisni pa më njohur, ju them vetëm se kam fituar ‘jackpot’-in me Christopher. Nuk i ka muskujt e barkut të fortë si shkëmb, që do të thotë se vajzat duhet të duan një djalë, por çfarë rëndësie ka kjo nëse je duke kërkuar njeriun me të cilin kërkon të kalosh jetën?, – është përgjigja e Ashley-t në “Facebook”. – Me mua është i duruar, më jep dashuri edhe për gjërat më të vogla dhe është miku im më i mirë. E dua për atë që është dhe ai më do mua për atë që jam. Di të më kuptojë, di të më dashurojë dhe është zbavitës, këto janë gjëra shumë të rralla për t’u gjetur në ditët e sotme”.
Postimi mbyllet kështu: “Që kur isha e vogël, si shumë vajza të tjera, mendoja se do të martohesha një ditë. Në momentin që ia dhashë jetën time Krishtit dhe kam parë shumë martesa dhe marrëdhënie të bekuara nga Zoti, nuk mund të mos martohesha. Zoti ka dëgjuar dëshirat e zemrës sime dhe më dha Christopher-in. Dashuria dhe lutjet e tij më afrojnë me Zotin. Di që Zoti do të na mbrojë, sepse në fund të fundit jemi në një skuadër. Ne e dimë të vërtetën, juve jo. Dhe tani ju bllokojmë të gjithëve”.
Pasi fotoja e Chris dhe përgjigja e Ashley-t, u bënë virale në ueb, shumë media lokale ishin interesuar për çiftin e çuditshëm që kishte pësuar një urrejtje virtuale. Në një kohë të shkurtër, Chris e Ashely u bënë të famshëm në të gjithë botën dhe sot janë të gatshëm të kurorëzojnë ëndrrën e tyre të dashurisë. Para Vitit të Ri, ai i kërkoi asaj të martoheshin. Dihet tashmë përgjigja e vajzës…
