Vetëm pak ditë nga momenti i fundit në jetë i Dritëro Agollit, e bija e tij, Elona, ka vendosur ti përgjigjet të gjithë atyre penave të hidhura që këto ditë kanë shkruar kundërt tij.
Në një status në rrjete sociale, Elona Agolli ka zgjedhur të përgjigjet me fjalët e të atij të shkruar 25 vite më parë. Ajo ka shkëputur një paragraf nga shkrimi “Betohen për të vërtetën, puthen me gënjeshtrën” të botuar në vitin 1992.
“Keni ecur ndonjëherë përmes një livadhi me karkaleca? Ata kërcejnë përpara fytyrës tënde. Ti i përzë me dorë, qindra të tjerë të hidhen në sy, në hundë, në vesh, në qafë. Ti vrapon, ata të mblidhen si re. Mua më kërcejnë çdo javë nga livadhi i gazetave mijëra fjalëkarkaleca. E përzë një tufë, një tjetër më lëshohet duke kërcyer. Tani, së fundi, edhe dy karkaleca pleq m’u lëshuan, duke kërcyer nëpër livadhin e gazetave me kërkërimat e tyre plot instinkt të lashtë insekti”.- shkruan vajza e Dritëro Agollit në Facebook.
