Oficeri roje në Drejtorinë e Policisë së Tiranë ka kallëzuar penalisht deputetët e Partisë Demokratike Gent Strazimiri dhe Flamur Noka, për shkak se hynë me forcë në ambientet e drejtorisë. Oficeri pretendon se ndaj tij është ushtruar dhunë.
Bëhet fjalë për mbrëmjen e së shtunës pas protestës së opozitës, kur deputetët demokratë shkuan në Drejtorinë e Policisë ku ishin ndaluar disa protestues. Ata fillimisht nuk u lanë të hynin, gjë që soli edhe konfrontim fizik mes deputetëve dhe policëve.
Mësohet se janë sekuestruar pamjet filmike të Drejtorisë së Policisë së Tiranës dhe do të bëhet verifikimi i nevojshëm, për të parë nëse është përdorur dhunë apo jo ndaj policit.
