Dy raste të dhunës në familje janë regjistruar sot nga Policia e Shtetit.
Për pasojë është vënë në pranga një shtetas në Tiranë dhe një në Krujë.
Konkretisht specialistët për hetimin e krimit në Komisariatin e Policisë Nr. 3 arrestuan në flagrancë, për veprën penale “ Dhuna në familje”, shtetasin E. B., 31 vjeç, banues në Tiranë, pasi në rrugën “Zydi Herri” ka ushtruar dhunë fizike ndaj 2 shtetasve, duke i shkaktuar dëmtime fizike.
Rasti tjetër ka ndodhur në fshatin Larushkë të Krujës ku menjëherë pas njoftimit të marrë për një shtetas që kërcënonte bashkëshorten me një levë hekuri, policia ka ndërhyrë duke arrestuar në flagrancë shtetasin A. E., 48 vjeç, banues në Larushkë, Krujë, për veprën penale “Dhuna në familje”.
Materialet hetimore i kanë kaluar prokurorive përkatëse të rretheve për veprimet të mëtejshme. /Opinion.al
