Ushtria serbe e cila gjendej në afërsi të kufirit me Kosovë është tërhequr dhe është zhvendosur në Rashkë, shkruan televizioni serb N1.
Sipas informacioneve të N1, as dje ushtria serbe nuk ka qenë e pranishme në afërsi të kufirit me Kosovën dhe sipas tyre ushtria është tërhequr në kazermën në Rashkë.
Këtë mëngjes, helikopteri i KFOR-it ka fluturuar mbi Jarinje, teksa policia e Kosovës e bën ndërrimin në ora 12:00.
Ndërkaq, emisari i BE-së për dialogun Kosovë-Serbi, Miroslav Lajçak ka njoftuar se ka pasur dy takime të ndara me kryenegociatorët Besnik Bislimi dhe Petar Petkoviç.
