Tetë persona janë vrarë nga ushtria izraelite që nga fillimi i operacionit, tha ministria palestineze e shëndetësisë.
Gjithashtu 50 persona të plagosur, 10 prej të cilëve janë lënduar rëndë, thuhet në përditësimin e fundit.
Izraeli ka nisur një operacion ushtarak në shkallë të gjerë kundër militantëve palestinezë në kampin e refugjatëve Jenin në Bregun Perëndimor të pushtuar.
Përmes dronëve, Forcat e Mbrojtjes së Izraelit kanë sulmuar kampin Jenin, pasi e kanë cilësua si fortesë të terrorizmit dhe kjo ka shkaktuar sulm dhe beteja me armë në rrugë.
Lajmi është bërë i ditur nga Ministria e Shëndetësisë palestineze dhe sipas radios ushtarake izraelite, ka ende të shtëna nën rrënojat e një ndërtese që u godit nga aviacioni.
Në një koment fillestar, Lëvizja Nacional Çlirimtare Palestineze al-Fatah, e cila është një parti politike nacionaliste dhe socialdemokrate palestineze ka akuzuar Izraelin se ka nisur një “sulm barbar”, por që nuk do ta pengojë për të mbrojtur popullin e tyre deri në liri dhe pavarësi./Opinion.al
