Zëdhënësi ushtarak i Izraelit, Daniel Hagari, ka deklaruar se plani që i kanë paraqitur qeverisë për luftimin në Gaza mund të zgjasë një vit.
“Ne nuk do ta mashtrojmë publikun, edhe pasi të kujdesemi për Rafahun, do të ketë terrorizëm. Hamasi do të lëvizë në veri dhe do të riorganizohet”, tha Hagari për gazetën Yedioth Ahronot.
Më tej ai shtoi se ushtria izraelite (IDF) “i ka paraqitur qeverisë një plan për luftimin në Gaza, i cili mund të zgjasë një vit”.
“Gaza, nënvizoi ai, ndoshta është një nga teatrot më të vështirë në botë, i mbipopulluar dhe plot tunele. Po shkojmë në vite të vështira dhe do të na duhet ta shpjegojmë atë brenda dhe jashtë. Ndërkohë që u shpreh se IDF mori përgjegjësinë për “dështimin” e 7 tetorit.
