Në Gjirokastër forca të ushtrisë nisën heqjen e dheut nga katet e para të pallati 8 katësh në lagjen “Kodër shtuf”. Ndërsa premtoi dëmshpërblim për banesat e dëmtuara, Prefekti Astrit Aliaj theksoi rëndësinë e drezhanimit të ujërave në mënyrë që kjo situatë të mos përsëritet.
Reshjet e ditëve të fundit kanë shkaktuar përmbytje edhe në zonën e Anës së Malit në Shkodër. Më tepër se 240 ha tokë bujqësore janë nën ujë, kryesisht në Obot dhe Goricë. Banorët thonë se niveli i ujit u rrit brenda natës në 30 cm.
Në Fushë-Krujë banorët e 7 fshatrave kanë mbetur të izoluar pasi ura që lidh fshatrat me njëri-tjetrin por edhe me qytetin, është shkatërruar.
Ndërsa në Fier, uji i Vjosës ka nisur të tërhiqet në shumicën e nga tokave Darëzezë. Hidrovorët po punojnë me kapacitet të plotë, por sasia e ujit do të dojë të paktën 1 javë të largohet nga zonat e përmbytura. Niveli i prurjeve ka qenë pothuajse i njëjtë me ato të Dhjetorit të kaluar
Në zonën e Frakullës dhe Levanit ka nisur verifikimi i dëmeve. Ndërsa Darëzezë ende jo dhe banorët po kërkojnë bazë ushqimore për bagëtitë.
Tv Klan
