Një ekip mjekësor i ushtrisë amerikane duket se ka zbuluar formulën e një vaksine efektive kundër të gjitha varianteve të Covid-19, përfshirë Omicron.
Vaksina ka qenë duke u përgatitur për gati dy vite që pasi ushtria amerikane mori sekuencën e parë të ADN-së së virusit në fillim të vitit të kaluar.
Provat e hershme treguan se vaksina prodhoi përgjigje të forta antitrupash që mbrojnë nga lloji origjinal që shkakton sëmundjen Covid-19. Testimet e para të vaksinës te njerëzit filluan prillin e kaluar dhe u kryen te vullnetarë që nuk ishin të sëmurë.
Super-vaksina mund të ruhet në temperatura të ndryshme, gjë që lehtëson përhapjen e saj në mbarë botën, ndërsa aftësia e saj për të mbrojtur kundër varianteve të tjera do të thotë se mund të ndihmojë gjithashtu në parandalimin e viruseve në të ardhmen.
Hapat e tjerë në zhvillimin e super-vaksinës përfshijnë fazën e dytë dhe të tretë të provave klinike, dhe ekipi hulumtues do të shqyrtojë se si funksionon ajo te njerëzit që tashmë janë vaksinuar ose janë infektuar me virusin. Zhvillimi i fundit i kësaj vaksine ngjall shpresë pasi një numër gjithmonë e më i madh studimesh po tregojnë se shumica e vaksinave aktuale të Covid ofrojnë shumë më pak mbrojtje kundër variantit të ri Omicron.
Klan News
