Dy emigrantë grekë kanë mbetur të vrarë në fshatin Granitna në Ukrainën Lindore, pranë kufirit me Rusinë.
Mediat greke shkruajnë se dy emigrantët grekë në Ukrainë u vranë nga ushtarët e ushtrisë ukrainase.
Sipas Ministrisë së Punëve të Jashtme greke, përveç vdekjes së papritur të dy mërgimtarëve, dy grekë të tjerë u plagosën rëndë në fshatin Granitna, i cili ndodhet pranë kufirit në Ukrainën Lindore.
Autorë të vrasjes së dyfishtë janë tre ushtarë të ushtrisë ukrainase, të cilët janë përfshirë në konflikt për një arsye të parëndësishme me emigrantët e mësipërm.
“Shprehim dhimbjen më të thellë për vdekjen e papritur të dy emigrantëve dhe plagosjen e rëndë të dy të tjerëve në fshatin Granitna, i cili ndodhet pranë kufirit në Ukrainën Lindore.
Gjithashtu shprehim ngushëllimet tona të sinqerta për familjet e viktimave, si dhe urimet për shërim të shpejtë të të lënduarve.
Sipas provave që disponojmë, autorë të vrasjes së dyfishtë janë tre ushtarë të ushtrisë ukrainase, të cilët janë përfshirë në sherr për një arsye të parëndësishme me grekët.
Ministri i Punëve të Jashtme, Nikos Dendias, ka kërkuar të flasë me telefon me homologun e tij ukrainas Dmytro Kuleba, për të theksuar sërish nevojën për të mbrojtur komunitetin grek në Ukrainë”,-thuhet në njoftimin e Ministrisë së Jashtme greke./Opinion.al
