Dy lajme pasuan sot njëri-tjetrin, brenda një kohe shumë të shkurtër.
Në fillim, Partia Socialiste njoftoi largimin e 16 kryetarëve të saj në disa nga qarqet e vendit, ku kjo forcë pati rezultate të dobëta në zgjedhjet e qershorit.
Vetëm pak minuta më pas, nga mbledhja e qeverisë doli lajmi, se 12 Prefektët në të gjitha prefekturat e vendit u shkarkuan.
Edi Rama, doli në një njoftim për mediat menjëherë pas mbledhjes, teksa saktësoi se prefektët si përfaqësues të Kryeministrit në rrethe do të ndryshohen në kuadër të reformës së shtetbërjes.
Ajo që surprizoi, ishte vendimi i Ramës për të vendosur si kriter bazë të emërimit të prefektëve, eksperiencën e tyre në forcat e armatosura.
Nuk dimë nëse të dyja lëvizjet e sotme kanë lidhje me njëra-tjetrën, nuk dimë nëse Rama me “grushtin ushtarak “të prefektëve do të forcojë pozitat e tij në të gjitha qarqet e vendit, apo po tenton që me këto lëvizje të kontollojë më mirë strukturat e partisë.
Kujtojmë se ditën e djeshme, edhe Partia Socialiste e Tiranës emëroi edhe drejtuesen e ssaj të re, Blerina Gjylameti, pas largimit nga ky pozicion të deputetit Saimir Tahiri. / Opinion.al
