SHBA-ja ka paralajmëruar se kampionati i futbollit Euro 2016 që do të mbahet në Francë muajin e ardhshëm mund të jetë një objektiv i sulmeve militante.
Numri i madh i turistëve që vizitojnë Evropën në muajt e verës do të paraqesë objektivat më të mëdha për terroristët”, tha Departamenti i Shtetit.
Ky event, pra kampionati, pritet të zhvillohet nga 10 qershori deri më 10 korrik, në vende të ndryshme. Franca është tashmë në një gjendje të jashtëzakonshme si rrjedhojë e sulmeve islamike të pretenduara vitin e kaluar në Paris. Sulmet në stadium, sallë koncertesh, bare dhe restorante lanë 130 të vdekur dhe shumë të tjerë të plagosur.
Në mars, 32 vetë vdiqën në Belgjikën fqinje, kur shpërthimet vetëvrasëse goditën aeroportin e Brukselit dhe një stacion metro. I ashtuquajturi Shteti Islamik ka thënë se ishte ai pas dy sulmeve të Parisit dhe Brukselit.
Pritet të jenë deri në një milionë tifozët e huaj në Francë për turneun, i cili përfshin ekipet e larta kombëtare të kontinentit.
Në gatishmërinë e tij të udhëtimit për qytetarët e SHBA, Departamenti i Shtetit paralajmëron për rreziqet e sulmeve militante në të gjithë Evropën.
Sulmet mund të godasin vendet turistike, restorantet, qendrat tregtare dhe të transportit.
Paralajmërimi gjithashtu citon garën e çiklizmit Tour de France dhe Dita e Kishës Katolike të të rinjve në Krakov, Poloni, e cila pritet të tërheqë deri në 2.5 milionë vizitorë.
Zyra e jashtme britanike paralajmëron për një rrezik të lartë nga terrorizmi në Francë. Ajo ka këshilla të veçanta për tifozët e futbollit që udhëtojnë në këtë kompeticion.
Më shumë se 90,000 policë, ushtarë dhe agjentë privatë të sigurisë janë duke u vendosur si masa paraprake.
Burimi: BBC/ Përktheu: Adela Zeneli
Opinion.al
