Presidentja e Komisionit Europian, Ursula von der Leyen do të vizitojë Shqipërinë brenda këtij muaji. Lajmi është bërë i ditur nga Ambasadori i Bashkimit Europian në Shqipëri, Luigi Soreca teksa njofton se ajo do të mbërrijë në Tiranë më 28 shtator, por nuk ka ndarë të tjera detaje nga vizita që ajo ka planifikuar në rajon.
“Presidentja Ursula Von der Leyen planifikon të vizitojë Shqipërinë më 28 shtator. Mezi pres ta mirëpres!,“-shkruan Soreca me anë të një postimi në rrjetet sociale./Opinion.al
