Presidenti i Republikës Ilir Meta ka dhënë një mesazh urimi nga Kryegjyshata Botërore, pas një takimi me Kryegjyshin Baba Mondi, por nuk ka harruar të jap edhe mesazhet e tij për politikën.
Sipas Metës, qytetarët kanë kaluar një dimër të jashtëzakonshëm, me vështirësi e vuajtje të pazakonta, edhe për shkak të pandemisë së koronavirusit.Teksa e ka konsideruar pranverën sin të pandalshme duke i ndihmuar të gjithë për më shumë opitmizëm.
“T’i uroja të gjithë shqiptarët në këtë ditë të pranverës dhe ripërtëritjes së shpresës por edhe të demokracisë. Pranvera dhe demokracia janë në sintoni me njëra-tjetrën. Shpresat e qytetarëve janë për një jetë me të mirë. Sot bashkohem me mesazhet e Kryegjyshit për të gjithë shqiptarët. Të jemi më të dashur dhe më tolerantë me njëri-tjetrin Ka qenë dimër i jashtëzakonshëm, kemi pasur reshje bore të jashtëzakonshme dhe acar por lulet kanë çelur, mimozat kanë çelur kështu që pranvera do të jetë e pandalshme dhe do të na ndihmojë të gjithëve për më shumë optimizëm.
Shqiptarët presin shumë nga e ardhmja, sidomos nga kjo pranverë, dhe kanë kuptuar që fuqia është e tyre”, tha ndër të tjera Meta.
Ndërkohë që gjatë bisedës Meta është pyetur për vaksinat ruse Sputnik V, që mbërritën sot në Shqipëri, teksa theksoi se “Apeloj për të forcuar masat, për të rritur shëndetin, për të garantuar sigurinë e trajtimit shëndetësor, për të gjithë qytetarët”./Opinion.al
