Ndërkohë që liderët europianë dhe nga vende të tjera kanë uruar kryeministrin Rama, ditën e sotme për fitoren e zgjedhjeve, kreu i Partisë Demokratike i ka konsideruar ato si të grabitura dhe çdo shqiptar e pa këtë gjë.
Sali Berisha thotë se ka më shumë fakte se kurrë për vjedhjen e zgjedhjeve nga Edi Rama.
“Fakte dhe dokumente më shumë se kurrë. Me të gjitha kancelaritë e europiane dhe kongresin e senatin e SHBA do të kemi paraqitje dokumentesh dhe faktesh. Narkoregjimi i Tiranës nuk mund të përfitojë për kohë të gjatë nga kjo masakër zgjedhore që kreu”, tha Berisha në një konferencë për mediat.
Sa i përket urimeve që kryeministri Rama ka marrë gjatë orëve të fundit nga udhëheqës europianë dhe të institucioneve të Bashkimit Europian, Berisha tha: “Ndodhi edhe në 2001-shin kjo, por ja që…”.
“Edhe nëse ka dy gjëra që ngjajnë, njëra eterike, tjetra materiale, është e vërteta dhe diamanti, për nga forca e tyre. Sado të përpiqen ta nxijnë diamantin, mbetet diamant. Në 2001-shin kemi dëshmuar me fakte, që sot i kemi aq të panumërta sa kemi vështirësi të zgjedhim çfarë të paraqesim përpara, atëherë nuk mundet kush…”.
