Kryeministri Edi Rama ka uruar Presidentin turk Erdogan pas fitores në zgjedhjet presidenciale.
Përmes një postimi në rrjetet sociale Rama shkruan mesazhin e tij të urimit në shqip dhe në turqisht.
“Urime për fitoren Zoti President. Zaferiniz için tebrikler Sayın Başkan”, shkroi Rama në Facebook.
Rexhep Taip Erdogan do të drejtojë Turqinë edhe për 5 vitet e ardhshme.
Ai ka siguruar fitoren në balotazhin që u mbajt këtë të dielë kundrejt kundërshtarit të tij Kemal Këllëçdarollu, i mbështetur nga gjashtë parti opozitare.
Erdogan i cili qëndron në pushtet prej 20 vitesh, është zgjedhur President për herë të tretë.
Sipas të dhënave paraprake, Erdogan kshte siguruar rreth 52 për qind të votave, kundrejt 48 përqind që kishte marrë Këllëçdarollu./Opinion.al
