Kryeministri Edi Rama ka bërë seri reagimesh pas ngjarjes së ndodhur mbrëmë, ku KZAZ 6 në Bushat u dogj bashkë me materialet zgjedhore.
Kësaj radhe, Rama ka shpërndarë në “Twitter” dokumentin ky kryebashkiakja e Shkodrës Voltana Ademi, ka urdhëruar që administrata e bashkisë të vijojë punë ditën e shtunë dhe të diel nga ora 07:00 deri në orë 19:00.
Kryeministri i drejtohet kreut të PD, Lulzim Basha duke i thënë që të dalë e të sqaroj urdhrin e kryetares së bashkisë së Shkodrës.
“Dhe meqë jemi tek dora jote e fshehur dhe gurët e tu të hedhur, po këtë shkresën e kësaj Qamile Haxhiut të Shkodrës e ke urdhëruar ti apo e ka bërë në kokë të vet kjo molotokratja? Dil sqaroje Artist ç’është ky pasion për punë në ditë pushimi në një bashki që ka 4 vjet në gjumë”, shkruan Rama./ Opinion.al E.Xh.
