Ambasadorja e Shteteve të Bashkuara të Amerikës në Shqipëri, Yur Kim ka shpërndarë në rrjetet sociale deklaratën e Sekretarit të Shtetit Antony Blinke lidhur me luftën ndaj korrupsionit.
Në postimin e ambasadores është cituar një nga paragrafët e deklaratës, ku thuhet se korrupsioni dëmton politikën e jashtme, sigurinë kombëtare dhe shëndetin ekonomik të SH.B.A.-së dhe partnerëve dhe aleatëve.
Më tej në deklaratë thuhet se është arsyeja pse SHBA është e përkushtuar të promovojmë llogaridhënie dhe të luftojmë pandëshkueshmërinë për ata që janë përfshirë në korrupsion.
“Korrupsioni kudo dëmton drejtpërdrejt politikën e jashtme, sigurinë kombëtare dhe shëndetin ekonomik të SH.B.A.-së dhe partnerëve dhe aleatëve tanë. Kjo është arsyeja pse ne jemi të përkushtuar të promovojmë llogaridhënie dhe të luftojmë pandëshkueshmërinë për ata që janë përfshirë në korrupsion të rëndësishëm ” thuhet në citimin e Blinken./ Opinion.al
“Corruption anywhere directly damages the foreign policy, national security & economic health of the US & our partners & allies. That is why we are committed to promoting accountability & combating impunity for those involved in significant corruption…” https://t.co/VRJqnuT3xN
— Ambassador Yuri Kim (@USAmbAlbania) June 9, 2021
