Një urdhër i firmosur nga Presidenti Amerikan Joe Biden, urdhëron bllokimin e të gjitha pronave që posedohen brenda territorit amerikan dhe ndalimin e hyrjes në vend, të atyre personave që ndikojnë në destabilizimin e situatës në vendet e Ballkanit Perëndimor.
Në letrën që Biden i dërgon Senatit dhe Kongresit bëhet fjalë për ndryshimin e një dekreti të qershorit 2001 që i referohej ish-Jugosllavinë. Tashmë në këtë dekret do të jetë e përfshirë dhe Shqipëria.
“Në kuadër të situatës në territorin e ish Federatës Socialiste të Republikës së Jugosllavisë dhe Republikës së Shqipërisë në dy dekadat e fundit, përfshi cenimin e marrëveshjeve të pasluftës si dhe institucioneve pas shpërbërjes së ish-Jugosllavisë, si dhe përhapja e gjerë midis qeverive dhe institucioneve të ndryshme në Ballkanin Perëndimor dëmton progresin kundrejt qeverisjes efektive dhe demokratike, integrimin e plotë drejt institucioneve transatlantike dhe kësisoj është një kërcënim i jashtëzakonshëm ndaj sigurisë kombëtare dhe politikave të jashtme të Shteteve të Bashkuara”, thuhet në letrën e Biden.
Sipas urdhrit parashikohet që të gjitha pronat dhe të ardhurat e pronave që ndodhen në SHBA apo që janë në posedim të personave në SHBA bllokohen dhe nuk mund të transferohen, eksportohen, apo tërhiqen./Opinion.al
