Donald Trump pritet të nënshkruajë një mori urdhrash ekzekutivë në fillim të mandatit të tij të dytë, të cilat adresojnë çështje të ndryshme, përfshirë emigracionin, energjinë dhe strukturën e qeverisë.
Këshilltari i tij më i lartë për politikat e brendshme, Stephen Miller, i ka dorëzuar një listë të urdhrave ligjvënësve, të cilat Trump do t’i nënshkruajë pas betimit.
Ai ka në plan të ndërmarrë një seri veprimesh për të anuluar disa nga urdhrat ekzekutivë të Presidentit Joe Biden. Detajet mbi këto urdhra janë të kufizuara dhe është e mundur që ata të përballen me sfida ligjore të menjëhershme.
Lista e urdhrave ekzekutivë:
Emigracioni: • Deklarata e emergjencës kombëtare, kryesisht si mekanizëm financimi. • Drejtohet zyrtarisht procesi për të rivendosur Protokollet e Mbrojtjes së Emigrantëve, të cilat në të kaluarën kanë përfshirë Titullin e diskutueshëm 42. • Përcaktimi i karteleve si organizata të huaja terroriste . • Një listë veprimesh që në thelb do të sillnin të gjitha direktivat, udhëzimet që ishin në fuqi në fund të mandatit të parë të Trump.
Veprimet e tjera do të fokusohen te: • Streha Kombëtare e Kafshëve të Egra Arktike të Alaskës . • Heqja e moratoriumit të gazit natyror të lëngshëm . • Tërheqja nga marrëveshja e Parisit për klimën. • Krijimi i Këshillit Kombëtar të Energjisë . • Shpallja e emergjencës kombëtare për energjinë.
Forma e qeverisjes: • Urdhrat në “planin F”, duke i dhënë atij fuqinë për të filluar shkarkimet masive të punonjësve federalë jopartiakë dhe duke i dhënë fund punës në distancë për punonjësit federalë. • Krijimi zyrtarisht i Departamentit të Efikasitetit të Qeverisë, ose DOGE. • Ligji në lidhje me diversitetin, barazinë dhe përfshirjen, i njohur si DEI.
