Arrestohet personi, i cili urdhëroi vrasjen e 27-vjeçarit shqiptar Mario Metaj në Greqi.
Mediat greke bëjnë me dije se personi i arrestuar, shtetas grek, ka urdhëruar një person të tretë për të qëlluar të riu në kokë.
Ngjarja është regjistruar ditën e hënë në kryqëzimin Kourtesi në Patra, teksa i akuzuari është dërguar në prokurorin e Gjykatës së Shkallës së Parë të Patras për akuzat e vrasjes me dashje dhe bashkëpunim dhe mbajtje arme të paligjshme.
Pas arrestimit të urdhëruesit të vrasjes, policia kontrolloi vendbanimin e vrasësit i cili është ende në kërkim dhe konfiskoi një armë me pesë gëzhoja, 37.28 gram kanabis të papërpunuar, një peshore elektronike, një celularë, një kartë të telefonit celular dhe 205 euro./Opinion.al
