Presidenti i SHBA, Joe Biden ka reaguar pas urdhërarrestit të Gjykatës Ndërkombëtare të Hagës për kryeministrin e Izraelit Benjamin Netanjahun.
Biden e cilëson atë një akt të turpshëm, pasi nuk ka asnjë që e barazon Izraelin me Hamasin.
“Kërkesa e prokurorit të Gjykatës Ndërkombëtare të Hagës për arrestimin e liderëve izraelitë është e turpshme dhe më lejoni të jem i qartë, çfarëdo që mund të nënkuptojë ky prokuror, nuk ka asnjë shenjë barazie midis Izraelit dhe Hamasit“,-shkprehet Biden.
Gjykata ndërkombëtare penale me seli në Hagë ka lëshuar më herët urdhër arrest për kryeministrin izraelit Benjamin Netanjahu dhe ministrin e tij të mbrojtjes, Yoav Gallant.
Urdhër arreste u lëshuan po ashtu për tre udhëheqës të Hamasit, Yahya Sinëar, Mohammed Al-Masri dhe Ismail Haniyeh.
Shtetet e Bashkuara të Amerikës kanë qenë në krah të Izraelit që nga nisja e luftës në tetor, ndonëse herë pas here i ka tërhequr vëmendjen liderëve izraelitë për të hequr dorë nga planet për operacione ushtarake në zonat ku ka dyndje civilësh palestinezë pas braktisjes së banesave të tyre në pjesë të ndryshme të Gazës.
