Gazetarja Kolodiana Lala tha në emisionin “Opinion” se pjesa më e madhe e urdhër arresteve lidhur me çështjen e inceneratorëve janë ekzekutuar mbrëmjen e djeshme.
Ajo tha se kjo nuk është aspak diçka që nuk pritej, ndërsa pohoi se në rastin e Fierit mungon kryetari i bashkisë, Armando Subashi.
“Mbrëmë pas mesnate janë ekzekutuar thuajse pjesa dërrmuese e urdhër arresteve, pasi disa janë arreste në shtëpi. Dhe deri në mesditë edhe pse kemi kërkuar pranë SPAK ne nuk kemi patur asnjë informacion. Asgjë jo e pritshme nuk ka ndodhur, kjo është minimale në karahasim me aferën. Ka ministra, kryetarë bashkish. Mungon sot kryetari i bashkisë së Fierit që ka ndryshuar dsetinacionin, nga tokë arë në truall. Ndërkohë që kërkohet autorizim për Alqi Bllakon, nuk është bërë për Armndo Subashin”, tha Lala. Më tej, gazetarja shtoi se në lidhje me rastin e deputetit Alqi Bllako, janë 20 faqe të relacionit, ku tre kanë qenë pikat kryesore kundër tij:
- Ndryshimi i destinacionit nga tokë truall në tokë arë
- Amendimi i dy kontratave gjatë kohës që ishte drejtor i AKUM
- Punësimi fiktiv i të atit
Kujtojmë se pas kërkesës së SPAK për heqjen e mandatit të deputetit Bllako, ky i fundit njoftoi lënien e mandatit këtë mbrëmje./Opinion.al
