28 persona kanë humbur jetën nga uragani “Iota” që goditi Amerikën Qendrore. Aktualisht
erërat e kanë ulur shpejtësinë, duke u klasifikuar një stuhi tropikale, por mbrëmë goditi Hondurasin, vend në të cilin autoritetet njoftuan një bilanc provizor për momentin që parashikon 18 humbje jete mes të cilëve fëmijë.
Bëhet me dije se shumë persona kanë mbetur të bllokuar pasi nuk arritën t’i shpëtonin stuhisë së erërave që solli përmbytje dhe dëme të shumta. Ndërkohë, mijëra familje arritën të shpërnguleshin nga zonat më të rrezikuara.
