Numri i viktimave nga uragani Dorian është rritur në 30-të. Lajmi u konfirmua nga ministri i Shëndetësisë i Bahamas, Duane Sands. Sands tha se me keqardhje pret që ky numër të jetë dukshëm më i lartë brenda ditëve të ardhshme pasi ekuipazhet vazhdojnë misionet e kërkimit dhe shpëtimit.
Ndërkaq presidenti amerikan, Donald Trump, tha se po e monitoron situatën nga Shtëpia e Bardhë. Përmes një deklarate ai u kërkoi banorëve të ndjekin udhëzimet e zyrtarëve.
“Presidenti u kërkon të gjithë banorëve të Xhorxhisë, Karolinës së Jugut, Karolinës së Veriut dhe Virxhinisë që të ndjekin udhëzimet e zyrtarëve të tyre vendorë këtë javë”, thuhet në deklaratë.
Dorian është uragani i dytë më i fuqishëm që regjistrohet në Atlantik dhe më i rrezikshmi që ka goditur Ishujt Bahamas që kur kanë filluar të regjistrohen të dhënat. Qendra Kombëtare e Uraganeve të Shteteve të Bashkuara tha se stuhia po lëviz drejt bregdetit të Atlantikut në SHBA, me erëra deri në 184 kilometra në orë, ndërkohë që shtetet amerikane, si Florida, Xhorxhia, Karolina e Veriut dhe Karolina e Jugut, kanë shpallur tashmë gjendje të jashtëzakonshme./Opinion.al
