Një sasi kokaine me vlerë mbi 1 milion dollarë u gjet në një plazh në Florida Keys për shkak të uraganit Debby.
Uragani i kategorisë 1 nxorri mbi dy duzina me pako 30-kilogramëshe kokaine ndërsa era frynte me mbi 128 km/h.
Mësohet se vlera e pakove i kalon 1 milion dollarë.
Në fotot e postuara në rrjetet sociale, shihen pakot e kokainës të lidhura me ngjitës dhe një trekëndësh në ngjyrë të kuqe.
Pakot ndodheshin brenda një qeseje mbeturinash bashkë me alga deti, gjethe dhe mbetje të tjera që kishin dalë në breg, të cilat u gjetën nga një pushues.
Pakot e kokainës dhe drogërave të tjera shfaqen shpesh në plazhet e Floridës jugore dhe ujërat rrotull pasi kontrabandistët trafikojnë substancat e paligjshme nga Amerika e Jugut drejt SHBA-ve.
