Uragani “Ciara” ka përfshirë Holandën me erëra të forta që arrijnë shpejtësinë e 120 km për orë, duke shkaktuar përmbytje dhe dëme të konsiderueshme materiale.
Ashtu si në Britani, “Ciara” ka sjellë anulimin e mbi 240 fluturimeve në aeroportin e Amsterdamit, një nga më të ngarkuarit në Europë, duke paralizuar kështu trafikun ajror në kontinent.
Shtyrjet dhe anulimet kanë prekur edhe linjat e trenave si dhe ato të autobusëve. Gjithashtu janë anuluar të gjitha ndeshjet e futbollit.
Erërat e forta të këtij uragani kanë prekur edhe pjesë të Britanisë dhe Gjermanisë ku gjithashtu pati ndërprerje të transportit dhe dëme materiale./Opinion.al
