Ura e Milotit është mbyllur përfundimisht për qarkullimin pas konstatimit të dëmtimeve serioze në këmbët mbajtëse, të shkaktuara nga mungesa e ndërhyrjeve për mirëmbajtje dhe marrjes së inerteve pranë strukturës së saj.
Sipas Autoritetit Rrugor Shqiptar, mbyllja u mor si masë sigurie pasi ura përbën rrezik real për shembje dhe kalimi mbi të është i pamundur.
Megjithatë, nuk është dhënë informacion zyrtar nëse do të ndërhyhet për riparim apo cili do të jetë fati përfundimtar i kësaj ure strategjike.
Kjo situatë ndodh në një moment kritik, kur trafiku në aksin Milot–Lezhë është në kulmin për shkak të fluksit turistik.
Mungesa e urës pritet të shkaktojë kaos dhe radhë të gjata në hyrje-daljet e Lezhës, duke ndikuar në lëvizjen e banorëve dhe pushuesve.
Tv Klan
