Njëra nga kandidatet për postin e Shefes së Departamentit të Gjuhëve të Huaja në Universitetin e Korçës, Daniela Stoica, pretendon se është kërcënuar për t’u tërhequr nga gara dhe për t’i hapur rrugën dikujt tjetër.
Sipas Stoicës, ndaj saj ka pasur vazhdimisht presione dhe manipulime me qëllim që të lërë garën për zgjedhjet në këtë universitet. Daniela Stoica thotë se ishte e vetmja kandidaturë në këtë departament, dhe se në raundin e parë nuk mori votat e nevojshme.
Por pavarësisht kërcënimeve, ajo thote e është “e vendosur për të vijuar garën edhe në raundin tjetër”. Stoica i ka bërë thirrje Ministrisë së Arsimit që të marrë masa për këtë rast.
