Universiteti i Tiranës ka reaguar pas sulmit të bërë ndaj avokatit të ish-kryeministrit Sali Berisha, Sokol Mëngjesi.
Përmes një reagimi, UT i ka uruar shërim të shpejtë Mëngjesit dhe e quan këtë sulm agresiv.
UT thotë se pret zbardhjen e autorëve dhe motivet e këtij sulmi.
“Universiteti i Tiranës dënon sulmin agresiv ndaj pedagogut të Fakultetit të Drejtësisë dhe avokatit Sokol Mëngjesi. Ne presim dhe besojmë që policia dhe prokuroria të zbardhi sa më shpejt autorët dhe motivet e këtij sulmi kriminal dhe të rrezikshëm. Stafi i Universitetit të Tiranës është në këto momente pranë familjes së Sokol Mëngjesit. Urojmë shërim sa më të shpejtë të kolegut tonë Prof. Dr. Sokol Mëngjesi”, njoftoi UT.
