Ditën e sotme në inaugurimin e godinës së re të Ujësjellësit në Kamëz, kryeministri Edi Rama premtoi se brenda këtij viti disa qytete në vend do të kenë ujë 24 orë.
“Ndërmarrja e ujësjellësit duhet të jetë në shërbim të qytetarëve dhe jo një kope me thithlopa që fryhen me borxhet në kurriz të qytetarëve”, tha ai.
Sipas kryeministrit, kjo do t’i japë fund një problemi qindra vjeçar në vend sepse asnjëherë në historinë e Shqipërisë furnizimi me ujë nuk ka qenë i siguruar 100%.
“Furnizimi me ujë të pijshëm në të gjithë territorin duke i dhënë fund një historie jo vetëm tre dekada të pluralizmit por qindra vjeçare sepse asnjëherë në historinë e këtij vendi furnizimi nuk ka qenë i siguruar 100%. Sot kemi mbi 100 kantiere në territor dhe me një pjesë të konsiderueshme të tyre punohet së bashke me partnerët. Duhet pasur parasysh që këto investime, janë në sistem të paprekura qysh nga vitet 60. Edhe në ato vite sistemet e furnizimit me ujë nuk mbulonin nevojat me ujë 24 orë në një pjesë të madhe të tyre. Është plotësisht e mirëkuptueshme që akoma me ujin merremi ne në shek e 21, por faktikisht merremi sepse kjo është një punë që asnjëherë më parë nuk u nis nga a për të shkuar tek zh.
Në periudhën e tranzicionit shumë fonde dedikuar furnizimit me ujë të pijshëm u copëtuan në segmente interesash elektorale duke mos arritur kurrë që të investohet në një projekt të integruar. Ne kemi humbur shumë prej këtyre fondeve përtej faktit që ka pasur abuzime. Jemi në kushtet sot kur mund të themi se brenda këtij viti do të kemi 24 orë ujë të pijshëm në një masë të madhe qendrash urbane. Dhe pastaj, Tirana ku investimet janë masive do të duhet pak më shumë kohë për të arritur në përmbyllje e plotë të tyre. Sidomos mbështetja e qeverisë gjermane dhe zciceriane, patjetër edhe BE në këtë veçim kam parasysh diçka tjetër janë kyçe jo thjeshtë në aspektin e fondeve por shoqërimit të gjithë këtij procesi në rritjen e kapaciteteve,” u shpreh kryeministri.
Më tej gjatë fjalës së tij Rama theksoi se ndërmarrja e Ujësjellësit ka qenë historikisht një ndërmarrje ku punësohen militantë, krushq e kushërinj, ndërsa thekson kjo situatë duhet të marrë marrë fund.
Më tej kreu i qeverisë nënvizon se këto ndërmarrje për shkak të keqmenaxhimit janë me më shumë borxhe në vend.
“Ujësjellësi kanë qenë historikisht ndërmarrje për të punësuar militantë, krushq, kushërinj pa pasur parasysh se për çfarë janë krijuar. Jo vetëm kaq, pro ndërmarrjet e ujësjellësit për shkak të keqmenaxhimit janë me më shumë borxhe në republikë. Një pjesë e madhe e atyre vazhdojnë ti akumulojnë. Sasia borxheve është më e madhe se e OSHEE. Kjo nuk mund të vazhdojë kështu. Nuk mund të jenë gjë tjetër vecse ndërmarrje me kapacitete të plota. Në këtë aspekt kemi shembuj pozitivë si rezultat i mbështetjes së qeverisë gjermane dhe zvicerane.
Nuk mund ta meritojë që të mbetet në duart e paafta. Kjo sjellje e vjetër ka krijuar shumë kosto. E fundit që dua të them sot është që reforma e ujit e cila në letër është shumë e qartë ka nevojë për një shtytje të re përpara. Nuk kemi pse kemi këto ndërmarrje ujësjellësi veç e veç duhet të kemi aksionerë që funksionojnë së bashku brenda një ndërmarrjeje. Me implementimin e reformës, Ujësjellës kanalizime do të funksionoje si një i vetëm dhe nuk do të ketë me Ujësjellës kanalizime, Tirane, Ujësjellës kanalizime Kamëz, apo Ujësjellës Kanalizime në Kavaje. Nuk kemi pse kemi këto ndërmarrje ujësjellësi veç e ve duhet të kemi aksionerë që funksionojnë së bashku brenda një ndërmarrjeje ,” u shpreh Rama./Opinion.al
