Fondi për Fëmijë i Kombeve të Bashkuara (UNICEF), konstatoi se çdo një në tre fëmijë, nën moshën pesë vjeçare, nuk ushqehet aq sa duhet dhe si duhet për një rritje të shëndetshme.
Raporti i UNICEF thotë se nga 676 milionë fëmijë nën moshën pesë vjeç, rreth 227 milionë ishin ose të kequshqyer ose mbipeshë, ndërsa nga rreth 340 milionë fëmijë, thuajse gjysma, kishte mangësi në të ushqyer.
Analiza e UNICEF-it bëri me dije se globalizmi, varfëria dhe ndryshimi i klimës janë disa nga arsyet e rritjes së numrit të vendeve me disa çrregullime të ngrënies, që kërcënojnë zhvillimin e fëmijëve.
“Mënyra se si ne e kuptojmë kequshqyerjen duhet të ndryshojë: nuk bëhet fjalë vetëm për t’u dhënë fëmijëve sa duhet për të ngrënë, por për t’u siguruar atyre ushqimin e duhur”, ka deklaruar drejtoresha e UNICEF-it, Henrietta For.
Kequshqyerja, në dallim nga mbipesha, mbetet në plan të parë si problem botëror, pasi nga ajo vuajnë rreth katër herë më shumë fëmijë, përfundon organizata UNICEF./Opinion.al
