Kryetari i Partisë Demokratike, Sali Berisha ka folur për mediat pas paraqitjes në SPAK mëngjesin e kësaj të hëne, në zbatim të masës së sigurisë “detyrim paraqitje”, të caktuar nga GJKKO.
Gjatë fjalës së tij, ai ka deklaruar se gjatë fushatës zgjedhore PD ka dorëzuar më shumë se 15 padi për shkelje të dyshuara zgjedhore.
Sipas tij, Partia Demokratike ka ndjekur rrugën ligjore duke dorëzuar padi, por nuk ka besim se drejtësia do të veprojë në mënyrë të paanshme.
”PD siç mund ta dish ti ka dorëzuar gjatë fushatës mbi 15 padi të cilat natyrisht do të kenë fatin e padive të tjera, sepse në krye të amnistisë së krimit elektoral qëndron ai që amnistoi dosjen 184 dhe 139, qëndron vetë Altin Dumani, shpërdor i shpifur i Ulsi Manjës dhe Arben Rakipit dhe i keqpërdorur nga Edi Rama. Pra ne kemi dorëzuar padi”, tha Berisha.
Ai theksojë se do të vazhdojë betejën, pasi sipas tij pritet të jepet një përgjigje nga jashtë vendit lidhur mes rezultatin e zgjedhjeve.
“Unë vazhdoj betejën kundër kësaj vjedhjeje më monstruozen e 32 viteve në historinë e zgjedhjeve pluraliste. Vazhdojmë betejën gjer në rikthimin e votës së lirë të shqiptarëve!
Kini besim se do t’ia dalim! Përdhosja dhe shkelmimi që iu bë shqiptarëve në Europë do marrë përgjigje shembullore po nga jashtë vendit. Ata që menduan se do talleshin me diasporën do marrin përgjigje ekzemplare”, tha Berisha.
