Presidenti i Ukrainës Volodimir Zelensky ka rrëfyer për mediat ndërkombëtare CCN dhe Reuters për mënyrën e tij të jetesës gjatë javës së fundit kur Rusia po sulmon Ukrainën.
Ai ka folur nga një bunker i ndodhur brenda kryeqytetit ukrainas të Kievit, të rrethuar nga forcat ruse. “Ukraina është zemra e Evropës dhe tani mendoj se Evropa e sheh Ukrainën si diçka të veçantë për këtë botë. Kjo është arsyeja pse bota nuk mund ta humbasë.”
Zelensky theksoi më tej se “ne kemi luftë çdo ditë dhe kemi nevojë për ndihmë çdo ditë. Nuk ka shumë kohë për të diskutuar”.
Zelensky foli gjithashtu për rutinën e tij të re. “Unë punoj dhe fle”, tha ai, duke theksuar se ka disa ditë që nuk e ka parë familjen e tij.
Ai nuk mund të parashikojë të ardhmen, por Zelensky tha se populli ukrainas nuk do t’i dorëzohet kurrë agresionit të Rusisë.
“Ne do luftojmë dhe kombi ynë do të luftojë deri në fund. Kjo është shtëpia jonë, ne mbrojmë tokën tonë, shtëpitë tona. Për hir të së ardhmes së fëmijëve tanë”, tha ai.
“Ne kemi diçka për të mbrojtur, ne po mbrojmë të drejtën tonë për të jetuar. Dhe çfarë po bëjnë rusët këtu? Ata nuk e kuptojnë popullin tonë, shtetin tonë, filozofinë tonë… Ata nuk dinë asgjë këtu, ata u dërguan këtu për të vrarë dhe për të vdekur,” deklaroi Zelenskyy. “Prandaj ne jemi më të fortë në tokën tonë dhe do të jemi më të fortë.”
