Në “Studio e hapur” në News24, Çani komentoi edhe veshjen e kryeministrit Edi Rama në Fier me çitjane, duke lexuar domethënien sipas tij, të kësaj veshje.
Ndryshe nga gazetarët e tjerë që thanë se i kishte çitjanet për të tërhequr vëmendjen nga çështjet kryesore, pak me gjuhë banale por jo deri në shqiptim, Çani tha se Rama do të thoshte me atë veshje se ka brenda edhe dosjen e Tahirit dhe të kryebashkiakëve.
“Unë atë veshje e shoh sikur Rama do të thotë se ‘unë brenda kam edhe dosjen e Tahirit’. Do të thoshte se ‘unë nuk kam vetëm ashtu, unë i mbaj të gjitha brenda’. Është dosja Tahiri është dosja e këtyre kryebashkiakëve të shkretë. Këta të shkretë janë. Ti mendon që në këtë vend ka peshq të vegjël që bëjnë gjëra pa porosinë e peshkut të madh. Këta janë të gjithë viktima. Ne u kemi thënë edhe në tavolinë, mos u përdorni se do digjeni keq”, tha Çani.
Duke iu referuar çështjes “Tahiri”, Çani tha se ai u dogj pasi ishte pretendent për kreun e PS-së nëse Rama largohej.
“Ja si i ndodhi Saimir Tahirit. Kush do ishte pretendenti pas Edi Ramës për kryetar partie? A ishte Tahiri një pretendent i fuqishëm për drejtimin e partisë, bashkë me kryetarin e bashkisë”, tha Çani.
