Kryeministri Edi Rama ka vijuar të përgjigjet me batuta në Komisionin Hetimor për Inceneratorët, kur po pyetej nga deputeti Belind Këlliçi.
Ai i tha se ishte aq i aftë sa të mbante në krah Këlliçin, të bënte dhe ndonjë punë tjetër dhe t’i kthente dhe përgjigje, ndërkohë që ka ndërhyrë nga vendi edhe deputetja Ermonela Felaj.
Rama u përgjigj me batutë duke thënë: Ju nuk e njihni Ermonelën, ajo nuk është kështu. Ta shihni si bën ajo me mua. S’e keni parë se si është.
Replikat në Komision
Rama: Unë të mbaj ty në krah, bëj edhe ndonjë punë tjetër. Unë jam rracë kali tjetër. Unë të mbaj në krah, të jap dhe përgjigja dhe bëj dhe një punë tjetër.
Këlliçi: Cila është arsyeja që dy vartësit tuaj, zoti Agaçi dhe zoti Koka nuk ju njoftuan për dy procedurat e parregullta?
(Ndërhyn deputetja Ermonela Felaj ) Rama: Ju nuk e njihni Ermonelën, ajo nuk është kështu. Ta shihni si bën ajo me mua. S’e keni parë se si është.
Këlliçi: Ju këto procedura i konsideroni sërish të rregullta procedurat kur ish-ministri juaj është në burg?
Rama: I dashur Belind dëgjo! Dua të përsëris edhe një herë. Teknologjia e vënies së fjalës së tjetrit në gojë, nuk është mirë. Unë nuk thash se procedurat janë të rregullta apo të parregullta. Procedurat janë një nga gjërat më të tmerrshme kur unë u bëra ministër. Aty e kuptova ferrin se ça pamje mund të ketë. Unë marr informacion dhe ndjek proceset për aq sa më duhet mua.
