Është tensionuar situata në Unazën e Re, ku banorët kanë tentuar të bllokojnë punën e grupeve të ARRSH-së që kanë zbritur në terren për të bërë vlerësimin e objekteve. Në një njoftim për mediat Autoriteti Rrugor thotë se ka thirrur në ndihmë Policinë e Shtetit, dhe u bën thirrje banorëve të mos agravojnë situatën.
Banorët kërkojnë me ngulm që të tërhiqet qeveria në vendimin për prishjen e banesave pa dëmshpërblyer më parë bizneset dhe shtëpitë në vlerën e tregut.
Deklarata e plotë
Sikurse eshte njoftuar paraprakisht, sot jane ne terren grupet e punes se ARRSH, Bashkise Tirane dhe ALUIZN-it. Inxhinieret e ARRSH po shkojne ne ato objekte banoret e te cileve kane depozituar prane ketij institucioni dokumentacionin e pronesise dhe kane kerkuar te vazhdohet me verifikimet dhe proceduren e shpronesimit.
Gjate punes ne terren banore te tjere te zones, qe nuk kane lidhje me objektet te cilat po verifikohen, kane penguar me dhune inxhinieret ne ushtrimin e detyres. Ata kane dhunuar edhe mjediset private te banoreve me dokumentacion pronesie te cilet kane qene te pranishem dhe te gatshem per verifikimin e baneses ne funksion te shpronesimit. Ky grup banorësh lëviz në segmente të ndryshme të unazës duke penguar inxhinierët në kryerjen e detyrës, pavarësisht se nuk kanë lidhje me objektet të cilat po verifikon ARRSH.
Ne kete forme, keta individe po mohojne te drejten e pronareve te ligjshem per nje proces verifikimi te banesave te tyre.
Inxhinieret e ARRSH po vazhdojne procesin e verifikimit ne terren te shoqeruar edhe nga punonjesit e Policise se Shtetit.
