Unaza e Re/Me lopata në duar banorët ndalojnë punimet e firmës

Banorët e Unazës së Re “Astiri” kanë penguar punën e kompanisë “Salillari”. Me bishta lopate në duar ata janë mbledhur tek kantieri i ndërtimit duke bllokuar makineritë e rënda dhe punëtorët e firmës private. Banorët thanë se “ky është provokim që na bëhet, pasi punimet janë pezulluar pas skandalit të kompanisë DH Albania”. Por burime zyrtare thanë se është pezulluar vetëm lot 1 i rrugës (tek Sheshi Shqiponja), ndërsa në dy lotet e tjera puna duhet të vijojë normalisht. Banorët shprehen të vendosur duke thënë se gjithë projekti i Unazës së Re është kurroptiv dhe duhet të anulohet.