Banorët e Unazës së re për më shumë se një muaj po protestojnë, kundër shembjes së banesave të tyre, pasi ata kërkojnë që të legalizohen dhe dëmshpërblehen.
Sot në këtë protestë është bashkuar dhe analisti Fatos Lubonja, i cili tha se çështja Unazës së re është një aferë e pastër korruptive.
“Duket sheshit që është një projekt kriminal. Unë kam ardhur këtu edhe për të materliazuar një gjë që e kam thënë dhe në media, kjo nuk është çështje vetëm e Astirit, por një çështje kombëtare. E dyta për të thënë se këtu duhet të jemi që të gjithë,. I bë thirrje te gjithëve dhe u them që kjo është një çështje e të gjithëve. Po ashtu kam ardhur për t’u dhënë kurajo këtyre, siç ata na kanë dhënë ne, pasi rezistenca e tyre na ka dhënë shumë kurajo. Po u them një shembull që ka ndodhur në një vend tjetër, ku një aktiviste për të mos lejuar prerjen e një peme, hipi në pemë dhe qëndroi dy vite aty dhe ajo pemë nuk u pre, pasi ajo rezistoi. Po nuk u bashkuam të gjithë bashkë do na hanë një nga një, duhet të bashkohemi si këtu si tek teatri dhe në Shkozë, ku që ka projekte korruptive dhe qeveria duhet rrëzuar: deklaroi ndër të tjera Lubonja.
